اهم 10 نصائح لليوتيوبرز الجدد
في ظل احداث فيرس كورونا لجأ كتير من الناس انه يقدم محتوى على السوشيال ميديا
ف لقينا بعض الناس بدأت تعمل فيديوهات على تيك توك
وناس عملت محتوى العاب على فيس بوك وطبعا فيديوهات على يوتيوب
وبدأنا نشوف تنوع كبير في المحتوى العربي في الفترة الاخيرة وبعض المحتويات
دي كانت يعني .. دون المستوى
وعشان احنا هنا في ماكس جوجل بنهتم بالمحتوى الجيد فحبينا نكتب مقال عن اهم 10 نصائح لليوتيوبرز الجدد
النصيحة الاولى لأي حد حابب يقدم محتوى على اليوتيوب وهي اختيار المحتوى المناسب
مش أي شخص قادر انه
يقدم اي محتوى على اليوتيوب
انت ليك محتوى معين تقدر تبدع فيه وأياً كان
المحتوى اللي حابب تقدمه هتلاقي له جمهور على اليوتيوب
ف بلاش تصنع محتوى انت مش حابه لانك بأختصار مش
هتقدر تبدع فيه
وثأنيا وده الاهم انك مش هتقدر تستمر فيه لانك
بتقدم حاجة انت مش شغوف بيها وهتحس ان صناعة الفيديوهات حاجة تقيلة على قلبك .
النصيحة الثانية وهي جهز كويس للفيديو بتاعك
بعد ما تستقر على المحتوى اللي
هتقدمه ف دلوقت جه الوقت انك تكتب النقاط اللي هتتكلم فيها في الفيديو بتاعك وترتب
افكارك بشكل كويس
عشان تكون قادر تتكلم في الموضوع
اللي هتقدمه وانت صافي ذهنياً
وكمان ده هيجنبك انه تنسي تتكلم في حاجة معينة
وهيخفف عنك التوتر لو انت من نوع الناس اللي بتتوتر قدام الكاميرا .
ومن نقطة التوتر تاخدنا للنصيحة التالتة وهي اتدرب كويس
مش عيب انك تغلط او تتوتر العيب انك
تستسلم حاول مرة واتنين حاول تتطلع افضل ما عندك من غير ما تحط ضغط او تكليف اضافي
على نفسك
ممكن
تسجل الفيديو الواحد مرة واتنين وتلاتة لحد ما تطلع بنتيجة انت نفسك تبقي راضي
عنها واكيد الناس هتحترم المجهود المبذول في الفيديوهات ومع الوقت انت هتتعود على تقديم
الفيديو ومستواك هيتطور بشكل كبير جداً.
النصيحة التالتة وهي طريقة تقديم المحتوى
ممكن يكون عندك المحتوى اللي تقدر
تبدع فيه وعندك القدرة على التقديم
ولكن لما تيجي تشرح للناس فكرتك
الناس متسوعبش كلامك بوضوح
وده لان طريقة تقديمك كانت معقدة
شوية ف حاول انك تتكلم ببساطة ..
اقعد مع نفسك شوية قبل التصوير وحط نفسك مكان
المشاهد شوف ايه افضل طريقة توصله بيها المعلومة وعلى اساسها ابدأ اكتب سكريبت
الفيديو بتاعك .
اما النصيحة الرابعة هتكون اهتم بتفاصيل الفيديو
عنوان الفيديو والصورة المصغرة
والكلمات المفتاحية هما عامل كبير جداً في نجاح او فشل الفيديو بتاعك
اهتم جداً بأنك تختار عنوان فيديو جذاب ومعبر ويشد الانتباه ولكن خليك بعيد عن الكلام الاوفر اللي بنشوفه في فيديوهات اليومين دول
وكمان الصورة المصغرة دي حاجة مينفعش
بأي حال من الاحوال انك تهملها
زي ما خصصت من وقتك انك تصنع فيديو
فلازم تخصص من وقتك انك تصنع صورة مصغرة للفيديو بتاعك
يستحسن انك تظهر في الصورة المصغرة وكمان تحط علامات مفتاحية جنبك او انت وابداعك
النصيحة الخامسة والاخيرة معانا النهاردة وهي خليك صبور
عشان
تطلع سلم لازم تطلعه درجة درجة وعشان تكسب في اي سباق لازم يكون نفسك طوويل
في الاول مش هتلاقي الدعم اللي انت مستنيه ويمكن
متلاقيش مقابل تعبك في تقديم محتواك
ولكن
لازم تبقي عارف ان يوتيوب مش المكان اللي تقدر تنجح وتثبت نفسك فيه في ظرف شهر او
اتنين
الموضوع بياخد وقت ف لازم يكون نفسك طويل