اضرار النوم الكثير : اضرار يسببها كثرة النوم
الجسم بيحتاج ياخد قسط كافي من النوم والراحة يومياً ولكن الافراط في النوم بيكون له آثار عكسية على الصحة – في الفيديو ده هنوضح اضرار النوم الكتير.
مبدائياً النوم الكتير ممكن يسبب امراض للقلب والشرايين وده لان كتر النوم بيأثر سلباً على جهاز الدوران في الجسم
واثبتت الابحاث ان النساء اللي بتنام في المتوسط من 9 ساعات ل10 ساعة
بتزيد عندهم فرص الاصابة بمرض القلب التاجي – عافانا الله واياكم
من الاضرار اللي بيسببها النوم الكتير كمان هي الاضطرابات النفسية
زي الاكتئاب والقلق الدائم يعني زي ما قلة النوم بتتسبب في القلق الدائم .. كمان كثرة النوم بتسبب نفس المشكلة
مش بس كدة .. النوم الكتير كمان بيسبب مشاكل في الاستيعاب والتركيز
لان تبين للعلماء ان كثرة النوم بتخفض قدرة الدماغ على القيام بعمليات التفكير وسرعة الاستيعاب
كثرة النوم كمان بتسبب صداع والالام في الظهر وبتزيد فرص الاصابة بمرض السكري والسمنة
دلوقتي عرفنا اضرار النوم الكتير .. ايه بقا عدد ساعات النوم الموصي بيه
فـ عدد ساعات النوم الموصى بيه للاطفال الرضع حتى عمر 3 شهور: هو من 14 ل 17 ساعة يومياً
اما الاطفال من عمر 4 شهور ل 11 شهر : فينصح بنوم من 12 ل15 ساعة يوميا
والاطفال من عمر عام حتى عامين فمن المفترض يناموا من 11 ل 14 ساعة يوميا
اما الاطفال اللي بتتراوح اعمارهم من 6 اعوام حتى 13 عام : من 9 ساعات ل11 ساعة
والمراهين من سن 14 ل 17 عام .. من 8 ل 10 ساعات يوميا
اما البالغين من سن 18 لسن 64 فينصح بنوم من 7ل9 ساعات يومياً
واخيرا كبار السن اللي تجاوزو 65 عام .. من 7 ل8 ساعات يومياً