أخر الاخبار

أهم 3 كتب في حياة اي شخص لازم على الاقل تقرأ اتنين منهم

 

أهم 3 كتب في حياة اي شخص

أهم 3 كتب في حياة اي شخص لازم على الاقل تقرأ اتنين منهم

 ولو اني انصحك تقرأهم كلهم لأنهم فعلا يستحقوا القراءة وهتحقق منهم كمية فايدة عالية جدا جدا
اول كتاب هرشحهولك هو الكتاب الغني عن التعريف واللي اكيد كتير منكم سمع عنه قبل كدة وهو 

كتاب ( العادات السبع للناس الاكثر فاعليه )

 الكتاب ده يعني .. حاجة كدة عظمة الكتاب اتنشر اول مرة سنة 1989 للكاتب ستيڤن كوفي

 وعدد صفحات الكتاب 380 ورقة  الكتاب ده من كتر ما هو كتاب رائع اترجم لاكتر من 38 لغة مختلفة
هديكم يعني .. نبذة صغيرة عن الكتاب عشان مبوظش عليكم متعة قراءة الكتاب اللي ممكن تحصل عليه في كتير من المكتبات في بلدك او تقدر تشتري النسخة الالكترونية منه
طيب .. العادات اللي ذكرها الكتاب ده بالترتيب كدة

عادة رقم 1: كن مبادراٌ.

العادة رقم 2: ابدأ والغاية في ذهنك.

العادة رقم 3: ابدأ بالأهم قبل المهم.


عادة رقم 4: تفكير مكسب\مكسب.
العادة رقم 5: السعي لأن تفهَم أولا، قبل أن تُفهم.
العادة رقم 6: التآزر والتكاتف.
العادة السابعة : التحسن والتطور المستمر
مش هنتكلم عن تفاصيل كل عادة فيهم هسيبك انت تستمتع بالقراءة

ومن هنا نبدأ كلام على الكتاب التاني وهو

كتاب ( كيف تكسب الاصدقاء وتؤثر في الناس ) 

ومن اسم الكتاب كدة تقدر تعرف محاور الكتاب ولكن خليني اقولكم ان الكتاب بيتكلم عن 6 طرق لكسب حب الناس
اولهم ادي اهتمام كبير للناس
وثانيهم ابتسم و رقم تلاتة اسم الشخص هو بالنسباله احلى كلمة في اي لغة
اما الرابعة كن مستمعاً جيدا وادي فرصة للناس تتكلم عن نفسها
والخامسة حسس الناس اللي حواليك انهم مهمين في حياتك

واما السادسة اهتم بهم وافعل كل ما يحبونه وقم بمساعدتهم إذا احتاجو منك المساعدة

 

وهنا نيجي للكتاب التالت معانا بعنوان 

( فكر تصبح غنياً )

الكتاب بيتناول موضوع من اكتر المواضيع المهمة ف حياتنا وهو موضوع الغنى كتاب من تأليف نابليوم هيل وتم نشره للمرة الاولى سنه 1937 الكتاب بيشرحلك قانون الجذب وهو ان الشئ اللي بتفكر فيه بيحصل وفعلا وأنك محتاج تغير من طريقة تفكيرك تجاه طرق كسب المال وده من الكتب اللي هتستمتع بقرائتها.

تعليقات



حجم الخط
+
16
-
تباعد السطور
+
2
-